日本人去神社參拜，除咗祈福，仲有一個好有趣嘅習慣，就係向「賽錢箱」投入硬幣，祈求願望成真⛩️🙏🏻
去過日本神社嘅朋友應該都見過，參拜之前先投入幾個硬幣，再鞠躬、拍手、許願。尤其係日本人特別鍾意用5円硬幣，因為日文「五円（ごえん）」同「ご縁」（緣分）讀音一樣，所以有祈求好緣分嘅意思。🥰
原來日本人氣選物品牌 BEAMS JAPAN，竟然將神社入面嘅賽錢箱縮細，變成一個可以放喺屋企嘅迷你儲錢箱！🤣
而且唔係普通木盒咁簡單，呢款係由日本傳統木工品牌「俵田屋」製作，採用日本伊勢檜木，保留咗神社賽錢箱嗰種一條條木條排列嘅經典設計，連投入硬幣嘅感覺都好有日本味道。🇯🇵
最有趣係可以將佢變成自己屋企嘅小小祈願箱！
例如計劃去日本旅行，每日放少少零錢入去，慢慢儲旅費；又或者新一年想儲錢、實現某個目標，每次投入硬幣，就當係為自己嘅願望加油。💰✨
擺喺玄關、書枱或者屋企日式小角落都幾有氣氛，唔單止係儲錢箱，仲係一件幾特別嘅日本工藝小擺設。
最重要係佢真係日本製造，唔係普通仿日式設計！尺寸大約15.5cm闊，細細個又唔會太佔地方。
將日本神社嘅祈福文化帶返屋企，每日儲少少，睇住自己嘅願望慢慢實現，諗落都幾有意思呢！☺️⛩️
🇯🇵 日本製 BEAMS JAPAN × 俵田屋 伊勢檜木迷你賽錢箱儲錢箱
📏 約15.5 × 10.3 × 8.9cm
🔰自助下單🔰